Hindistan komandasının baş məşqçisi: Bakı Atıcılıq Mərkəzi olduqca möhtəşəmdir
Bakı, 31 may, AZƏRTAC
Çempion olduğumuz üçün məmnunuq. Koronavirus pandemiyasına görə atıcılıq üzrə dünya kuboku yarışı keçirilmirdi. Bu da bizim üçün çətinlik yaradırdı. Ancaq bütün səylərimizi toplayaraq qalib olduq.
AZƏRTAC xəbər verir ki, bu sözləri jurnalistlərə müsahibəsində dünya kuboku turnirində kişilər arasında 10 metr məsafəyə pnevmatik tüfəngdən atəşaçma üzrə komanda növündə qızıl medal qazanan Hindistan millisinin baş məşqçisi Suma Şirar deyib.
O qeyd edib ki, komandanın heyətində Shreya Agraval, Elavenil Valarivan, Ramita Ramita mübarizə aparıblar. Elavenil və Ramita ilk dəfədir ki, dünya kubokunda iştirak edirlər. Shreya isə artıq ikinci belə böyük turnirdə iştirak edir. Onlar uzun müddət idi ki, komanda halında məşq edirdilər. Öz təcrübələrini sübut etməyin vaxtı idi.
Baş məşqçi komandasının dünya kubokunun qalibi olmasının onu xoşbəxt etdiyini bildirib: “Bakı Atıcılıq Mərkəzi olduqca möhtəşəmdir. Burada hər cür şərait var. Atletlər lazım olan hər şeylə təmin olunublar. Sözün açığı, qalib gəlməyimiz bizim üçün gözlənilməz oldu. Çünki rəqiblərimiz çox güclü idilər. Biz qısa müddət sonra Bakını tərk edəcəyik. Amma istəyərdik ki, Azərbaycanda daha çox müddət qalaq. Çünki atletlərimiz ölkənizi çox sevdilər”.
Bölmənin digər xəbərləri
