HİNDİSTAN YƏHUDİLƏRİ RESTORANA HİTLERİN ADININ VERİLMƏSİNDƏN İNCİMİŞLƏR
Ötən həftə açılan “Hitlerin xaçı” restoranı kontinental mətbəxin yeməklərini təklif edir. Restoran svastikalarla bəzədilmiş və ona üçüncü reyxin ağ-qırmızı-qara çalarlarında tərtibat verilmişdir, girişdə isə müştəriləri Fürerin boyu bərabəri portreti qarşılayır.
Restoranın sahibləri bildirmişlər ki, onlar nasist liderini məşhurlaşdırmaq məqsədi güdmürlər, yalnız yüzlərlə digər ictimai iaşə müəssisələrindən seçilməyə cəhd göstərmişlər. Restoranın baş ofisiantı demişdir: “Adamlar buraya müharibə haqqında biliklərə yiyələnmək üçün yox, dincəlmək və vaxtlarını xudmani şəraitdə keçirmək üçün gəlirlər”. O əlavə etmişdir ki, bu yaxınlarda Mumbainin digər rayonlarında restoranın daha bir sıra filiallarını açmağı nəzərdə tuturlar.
Hindistanın yəhudi icmasının sədri Conatan Salomonun fikrincə, restorana belə ad verilməsi göstərir ki, nasist rejimi tərəfindən məhv edilmiş milyonlarla yəhudinin əzabları lazımınca başa düşülmür.
Bölmənin digər xəbərləri
