HİNDİSTANDA VƏ BANQLADEŞDƏ SOYUQDAN 824 NƏFƏR ÖLMÜŞDÜR
Hindlilər görünməmiş soyuqdan əziyyət çəkirlər. Son üç-dörd həftə ərzində ölkədə havaların həddindən artıq soyuması nəticəsində 624 adam ölmüşdür. Hər gün xəstəxanalara yüzlərlə adam gətirilir.
Nyu-Dehlidə gecələr havanın hərarəti Selsi ilə cəmi 3-4 dərəcə olur. Şəhərin enerji təchizatı sistemindəki mütəmadi fasilələr vəziyyəti daha da çətinləşdirir. Hindistanın şimal-şərqindəki digər iri şəhərlərdə də eyni vəziyyət müşahidə olunur. Sinoptiklərin proqnozlarına görə, yaxın günlərdə havaların nəzərəçarpacaq dərəcədə mülayimləşəcəyi gözlənilmir.
Soyuq hava cərəyanının təsir zonasına düşmüş qonşu Banqladeşdə isə soyuqdan 200 nəfər, əsasən, evsiz-eşiksiz adamlar həlak olmuşdur. Onların çoxu uşaqlardır.
Bölmənin digər xəbərləri
