İDMAN
İDMAN GİMNASTİKASI ÜZRƏ QALİBLƏR MƏLUMDUR
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, yarışlarda 65 idmançı iştirak etmişdir. Qaliblər çoxnövçülükdə nəticələrin yekunlarına əsasən müəyyən edilmişdir. Ruslan Quliyev ayrı-ayrı alətlərdə ən yaxşı nəticə (84,7 bal) göstərərək ustalar arasında ölkə çempionu olmuşdur. Ustalığa namizədlər arasında birinci yeri Şakir Şıxəliyev tutmuşdur – 102,45 bal. Yaşlı birinci dərəcəli gimnastlar arasında fəxri kürsünün ən yüksək pilləsinə Əli Sultanlı qalxmışdır – 103,7 bal. İkinci dərəcəlilərin yarışında Ruslan Balakişiyev fərqlənmişdir – 109,15 bal. Üçüncü dərəcəlilər arasında birinci yerə Fərrux Dadaşov çıxmışdır – 53,5 bal.
Birinci dərəcəli yeniyetmə gimnastların yarışlarında ən yaxşı nəticəyə Elvin Ağadadayev və Nurlan İbrahimli nail olmuşlar. İkinci dərəcəli yeniyetmələr arasında birinci-ikinci yerləri Şamil İsmayılov və Ömər Şahlamazov bölüşdürmüşlər. Onlar hərəyə 55,5 bal toplamışlar. Üçüncü dərəcəli yeniyetmələrin yarışında qalib adına Əli Şahlamazov layiq görülmüşdür.
Bu çempionatın keçirilməsindən başlıca məqsəd milli yığma komandanın ehtiyat qüvvəsinə baxış və məşqçilərin işinə qiymət vermək idi.