IJF-nin direktoru: Azərbaycan cüdosu daha böyük uğurlar qazanacaq
Bakı, 5 fevral, AZƏRTAC
"Yenidən Azərbaycanda olmaq xoşdur".
AZƏRTAC xəbər verir ki, bu sözləri Beynəlxalq Cüdo Federasiyanın (IJF) direktoru Envik Qalea Milli Olimpiya Komitəsinin Azərbaycan Cüdo Federasiya ilə birgə təşkil etdiyi IJF Akademiyasının məşqçilik və sertifikat proqramının açılış mərasimindən sonra jurnalistlərə açıqlamasında deyib.
O, Azərbaycanda cüdo idman növünün inkişaf etdiyini bildirib: "Yeni qurulan təlim-məşq mərkəzi idealdır. Özünüz də görürsünüz ki, yalnız böyüklər deyil, yeniyetmə cüdoçular da uğurlu nəticələr qazanırlar. Hazırda burada 63 cüdo məşqçisi imtahan verir. Bu da bizi sevindirir".
E.Qalea Azərbaycan cüdosunun gələcəkdə daha böyük uğurlar qazanacağını söyləyib: "Azərbaycan Cüdo Federasiyasının bu addımını dəstəkləyirik. Biz də əlimizdən gələni edəcəyik ki, Azərbaycan cüdosu beynəlxalq arenalarda yüksək nailiyyətlər əldə etsin".
Bölmənin digər xəbərləri
