İlin birinci yarısında Balakəndə ümumi məhsul istehsalı 19,8 faiz artıb
Balakən, 1 avqust, Mustafa Dadaşov, AZƏRTAC
Cari ilin birinci yarısında Balakən rayonunda 156 milyon 826,5 min manatlıq məhsul istehsal edilib və xidmətlər göstərilib. Bu, ötən ilin müvafiq dövrü ilə müqayisədə 20 milyon 592,1 min manat və ya 19,8 faiz çoxdur.
Bu barədə AZƏRTAC-ın bölgə müxbirinə Balakən Rayon Statistika İdarəsindən məlumat verilib.
Bildirilib ki, yanvar-iyun aylarında rayonda 40 milyon 105,3 min manatlıq sənaye, 62 milyon 37,5 min manatlıq kənd təsərrüfatı məhsulları istehsal edilib. Sənayedə məhsul istehsalı 80,4 faiz, kənd təsərrüfatında isə 6,4 faiz artıb. Müddət ərzində rayonda 4 milyon 376,8 min manatlıq tikinti işləri görülüb. Hesabat dövründə əhaliyə 2 milyon 909,6 min manatlıq nəqliyyat və anbar təsərrüfatı, 595,7 min manatlıq informasiya və rabitə, 46 milyon 801,6 min manatlıq ticarət və nəqliyyat vasitələrinin təmiri üzrə xidmətlər göstərilib.
Bölmənin digər xəbərləri
