İmişli rayonunda baş verən yanğın zamanı bir nəfər xəsarət alıb
Bakı, 9 aprel, AZƏRTAC
İmişli rayonunun Aranlı kəndində ümumi sahəsi 200 kvadratmetr olan, tavanı qamışdan ibarət ikimərtəbəli evdə yanğın baş verib.
Fövqəladə Hallar Nazirliyindən AZƏRTAC-a bildiriblər ki, evin dam örtüyü ikinci mərtəbəsi və içərisindəki əşyalar 100 kvadratmetr sahədə yanıb. Yanğın zamanı 1 nəfər xəsarət alıb və yanğınsöndürənlər hadisə yerinə çatana kimi vətəndaşlar tərəfindən aidiyyəti üzrə aparılıb. Evin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
