İndiyədək 10 klub futzal üzrə Azərbaycan kuboku yarışının qalibi olub
Bakı, 31 may, AZƏRTAC
Futzal üzrə Azərbaycan kuboku yarışında 2021/2022-ci il mövsümünə yekun vurulub. Qalib adı uğrunda Yüksək Liqanın bürünc medalçısı “Neftçi” və Birinci Liqa təmsilçisi “Alyans Qrup” qarşılaşıb. Rəqibini 6:2 hesabı ilə məğlub edən Yüksək Liqa təmsilçisi növbəti dəfə ölkə kubokunu başı üzərinə qaldırıb. Ümumilikdə indiyədək 10 komanda yarışın qalibi olub.
AZƏRTAC Azərbaycan Futzal Federasiyasına istinadla xəbər verir ki, müxtəlif adlarla çıxış edən “Neftçi” hamıdan çox - 7 dəfə kuboku başı üzərinə qaldırıb. “Araz-Naxçıvan” 5 dəfə bu mükafata sahib olub.
Digər kubok sahiblərindən EKOL 4, “Avtomobilçi”, “Azərneftyanacaq” və “Gömrükçü” hərəyə 2 dəfə kubokun qalibi adına yiyələnib. Dörd komanda isə bir dəfə belə uğura nail olub. “Nabspor”, “Turan AİR”, “Fənər” və “Marafon Futsal” kubok yarışının qalibi olub. Ölkə kuboku yarışının 2019/2020-ci il mövsümü koronavirus pandemiyası ilə əlaqədar yarımçıq dayandırılıb, 2020/2021-ci il mövsümü isə ümumiyyətlə keçirilməyib.
Bölmənin digər xəbərləri
