İndoneziyada qayığın çevrilməsi nəticəsində itkin düşənlərin axtarışı davam edir
Tokio, 4 aprel, AZƏRTAC
İndoneziyada xilasedicilər aprelin 4-də yük gəmisi ilə balıqçı qayığının toqquşması nəticəsində itkin düşən 17 nəfərin axtarışını davam etdirir.
AZƏRTAC xəbər verir ki, bu barədə İndoneziya KİV-ləri yerli xilasedicilərə istinadla məlumat yayıb.
Bildirilir ki, hadisə nəticəsində balıqçı qayığının heyət üzvlərindən 15-i xilasedici gəmi tərəfindən göyərtəyə alınıb. Bundan əlavə, qayıqdakı daha 17 nəfərin axtarışı davam edir. Qəzanın baş verdiyi ərazidə dalğıclar da axtarış aparırlar.
Qeyd edilir ki, həm yük gəmisi, həm də balıqçı qayığı İndoneziya bayrağı altında üzüb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
