İngiltərə Premyer Liqasının uğursuz “on birliy”i açıqlanıb
Bakı, 28 dekabr, AZƏRTAC
İngiltərə Premyer Liqasında 2023-2024-cü illər mövsümünün birinci dövrəsinin ən uğursuz “on birliy”i açıqlanıb.
AZƏRTAC xəbər verir ki, ESPN-nin hazırladığı siyahıda “Mançester Yunayted” və “Çelsi”dən ümumilikdə 8 oyunçu yer alıb.
Qapıçı: Andre Onana (“Mançester Yunayted”)
Müdafiəçilər: Ris Ceyms, Mark Kukurella (hər ikisi “Çelsi” ), Erik Dayer (“Tottenhem”), Yoşko Qvardiol (“Mançester Siti”)
Yarımmüdafiəçilər: Entso Fernandes, Mixail Mudrik (hər ikisi “Çelsi”), Kalvin Fillips (“Mançester Siti”), Meyson Maunt, Antoni (hər ikisi “Mançester Yunayted”)
Hücumçu: Markus Reşford (“Mançester Yunayted”)
Qeyd edək ki, İngiltərə Premyer Liqasında 2023-cü ilin son oyunları dekabrın 31-də keçiriləcək.
Bölmənin digər xəbərləri
