İngiltərədə minlərlə insan rok musiqiçisi Ozzi Osbornun vida mərasiminə toplaşıb
London, 30 iyul, AZƏRTAC
“Black Sabbath” qrupunun solisti, hard-rok janrının simvolu Ozzi Osbornun vəfatından sonra onun doğma şəhəri Birminqemdə on minlərlə insan sənətçiyə son ehtiramını bildirmək üçün küçələrə axışıb.
AZƏRTAC xəbər verir ki, vida korteji şəhərdəki “Black Sabbath Körpüsü”ndə dayanıb. Körpü Ozzi Osbornun ölümündən sonra fanatların ziyarət məkanına çevrilib.
Ölümündən qısa müddət əvvəl O. Osborn “Black Sabbath”ın üzvləri ilə yenidən bir araya gələrək 2005-ci ildən bəri ilk dəfə Birminqemdə vida konserti vermişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
