İNSANLARI AYA VƏ MARSA “ARES” RAKETİ APARACAQ

03.07.2006 [16:51]
Çap et
A⁺ A^-

AZƏRTAC xəbər verir ki, ABŞ Milli Aeronavtika və Kosmik Fəzanın Tədqiqi Agentliyinin (NASA) mətbuat xidmətində “Novosti” agentliyinə bildirmişlər ki, insanları Aya və Marsa “Ares” raketi aparacaqdır.

Heyətin buraxılması üçün raket “I Ares”, yüklərin buraxılması üçünsə “V Ares” adlandırılacaqdır.

NASA tədqiqat sistemləri nümayəndəliyinin rəhbərlərindən biri Skott Qorovitsin fikrincə, bu ad tamamilə uyğundur, çünki “Ares” Qırmızı planetin - Marsın digər adıdır”.

Raketlərə I və V Roma rəqəmləri “Apollo” proqramından yadigar kimi verilmişdir. Həmin proqramda ABŞ-ın xüsusi olaraq pilotlu uçuşlar üçün yaradılmış “I Saturn” və “V Saturn” ilk kosmik raketləri iştirak etmişdir.

Mətbuat xidməti bildirmişdir ki, şattl raketlərini əvəzləyəcək kosmik aparatın adı bir qədər sonra elan olunacaqdır. Onu kosmosa bir beştərkibli raket sürətləndiricisi ilə təchiz ediləcək “I Ares” daşıyıcı raketi çatdıracaqdır.

“V Ares” daşıyıcı raketi kosmosa çəkisi 128 tondan çox yük apara biləcəkdir.

İNSANLARI AYA VƏ MARSA “ARES” RAKETİ APARACAQ

MÜƏLLİFLƏ ƏLAQƏ

Bölmənin digər xəbərləri