“İNTER” RUSİYANIN “TOM” KOMANDASI İLƏ QARŞILAŞACAQ
Bakı, 10 yanvar (AZƏRTAC). Bakının “İnter” futbol klubu Antalyada keçirdiyi hazırlıq mərhələsi çərçivəsində Rusiyanın “Tom” komandası ilə yoldaşlıq görüşü keçirəcəkdir. Klubdan bildirmişlər ki, oyun yanvarın 13-də olacaqdır.
Xatırladaq ki, “İnter” Antalyada artıq 3 yoxlama oyununda qüvvəsini sınamışdır. İlk oyunda Hollandiyanın “Omniuvorld” komandasına 1:0 hesabı ilə qalib gələn Valentin Xodukinin yetirmələri, növbəti görüşdə İordaniya yığmasına 0:2 hesabı ilə uduzmuşlar. Üçüncü görüşü Nalçik “Spartak”ına qarşı keçirən bakılılar rəqibindən üstün olmuşlar - 2:1.
Qeyd edək ki, “İnter” Birlik Kuboku turnirində iştirak etmək üçün yanvarın 16-da Moskvaya yollanacadır.
Bölmənin digər xəbərləri
