İNTERNET VASİTƏSİLƏ FIRILDAQÇILIQ EDƏN AİLƏ İFŞA OLUNMUŞDUR
Ailənin əsas məşğuliyyəti şəhərin avtomobil ticarəti mərkəzində satışa qoyulmuş nəqliyyat vasitələrini öz malı kimi, qiymətində külli miqdarda endirim edərək internet saytında yerləşdirmək və müştəri tapıb sövdələşməklə maşınları satmaq və zəhmətsiz gəlir əldə etməkdən ibarət olmuşdur.
Fırıldaqçıların ucuz qiymətə maşın təklifinə şirnikən avam müştərilər onların hesabına külli miqdarda beh pul keçirmiş və vədələşdirilmiş avtomobillərin yolunu gözləmişlər. Ancaq maşınlar isə ünvana çatdırılmamışdır. Fırıldaqçılar isə hər əməliyyatdan sonra internet ünvanlarını dəyişmiş və aldadılmış müştərilər üçün əlçatmaz olmuşlar.
Müəyyən olunmuşdur ki, cinayətkar ailə 740 “müştərini” aldatmış və onların 6,7 milyon avro məbləğində "behini" mənimsəmişdir.
Faktla bağlı cinayət işi qaldırılmış, "menecerlərin" hər biri beş il müddətinə azadlıqdan məhrum edilmişdir.
Bölmənin digər xəbərləri
