İNTERNETLƏ BAĞLI MƏSƏLƏLƏR MÜZAKİRƏ OLUNMUŞDUR

24.12.2005 [17:29]
Çap et
A⁺ A^-

AZƏRTAC xəbər verir ki, Azərbaycan İnternet Forumunun (AİF) növbəti yığıncağı keçirilmişdir. Yığıncaqda AİF-ə yeni üzvlərin qəbulu, ötən dövr ərzində görülmüş işlər, Azərbaycan internetində son dövrlərdə yaranmış vəziyyət, təhsil sistemi üçün nəzərdə tutulan kömpüterlərdə Windows və ya Linux əməliyyat sistemlərinin yüklənməsi ətrafında müzakirələr aparılmışdır.

Toplantıda son dövrlərdə ölkəmizin İKT sektorunda ictimai mahiyyət daşıyan məsələlərlə bağlı da məlumat dinlənilmiş, Prezident İlham Əliyevin bu sahənin inkişafına mühüm əhəmiyyət verməsi razılıq hissi ilə diqqətə çatdırılmış, dövlətimizin başçısının vətəndaşların informasiya texnologiyalarından daha səmərəli istifadə etməsinə, hökumət və bələdiyyə qurumlarının internet resurslarının yaradılmasına, informasiya əldə edilməsinə geniş şərait yaradan bir sıra sənədlər imzalaması və onların tətbiqi yüksək qiymətləndirilmişdir.

AİF-in toplantısında son dövrlərdə Azərbaycanın internet məkanında baş verən yeniliklər və bir sıra problemlərlə bağlı fikir mübadiləsi aparılmışdır.