İORDANİYA KRALI QAZAXISTANDA SƏFƏRDƏDİR

09.11.2005 [11:23]
Çap et
A⁺ A^-

AZƏRTAC-ın xüsusi müxbiri xəbər verir ki, Qazaxıstan Prezidenti Nursultan Nazarbayev Almatıdakı iqamətgahında bu ölkədə rəsmi səfərdə olan İordaniya kralı II Abdullanı qəbul etmişdir. Görüşdə iki ölkə arasında siyasi, iqtisadi və mədəni əlaqələrin genişləndirilməsi məsələləri müzakirə olunmuşdur.

Qazaxıstan Prezidenti demişdir ki, ölkələrimiz arasında əməkdaşlığın səviyyəsi yüksək deyil və ticarət dövriyyəsi 40 milyon dollardır.

Qeyd edilmişdir ki, İordaniyada əczaçılıq sənayesi yüksək səviyyədə inkişaf edir. Qazaxıstanda əczaçılıq zavodlarının tikilməsi, İordaniyaya taxıl satılması ilə əlaqədar fikir mübadiləsi aparılmışdır.

Qərara alınmışdır ki, ikitərəfli iqtisadi əməkdaşlıq komissiyası yaradılsın və bütün bu məsələlərin həlli ilə məşğul olsun.

Görüşdə mədəni sahədə əməkdaşlıq haqqında saziş imzalanmışdır.

İORDANİYA KRALI QAZAXISTANDA SƏFƏRDƏDİR

MÜƏLLİFLƏ ƏLAQƏ

Bölmənin digər xəbərləri