İORDANİYA SƏDDAM HÜSEYNİN QIZINI VƏ ONUN UŞAQLARINI İRAQA VERMƏK NİYYƏTINDƏ DEYİLDİR

03.07.2006 [17:16]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Səddam Hüseynin qızı Raqad və onun uşaqları İordaniya kralı II Abdullanın qonaqlarıdırlar və İraqın ədalət mühakiməsinə təhvil verilə bilməzlər. Bunu İordaniyanın Baş naziri Maaruf əl-Bahit İordaniyanın Petra informasiya agentliyinə müsahibəsində bildirmişdir.

İraqın milli təhlükəsizlik müşaviri Müvəffəq ər-Rubei demişdir ki, Raqad və onun anası İraqın axtarış elan etdiyi siyasi cinayətkarlar siyahısındadırlar. Onlardan savayı, bu siyahıda daha 39 nəfərin adları var.

Güman edilir ki, Raqadın anası Səidə Xeyrulla Tülfah Qahirədə yaşayır. İordaniya onun qızları Raqad və Raniyəyə 2003-ci ildə sığınacaq vermişdir. Əl-Baxit demişdir ki, buna baxmayaraq, Bağdad “Hüseynlə bağlı cinayətkar ünsürlərin” təhvil verilməsində israrlıdır.

İORDANİYA SƏDDAM HÜSEYNİN QIZINI VƏ ONUN UŞAQLARINI İRAQA VERMƏK NİYYƏTINDƏ DEYİLDİR

MÜƏLLİFLƏ ƏLAQƏ

Bölmənin digər xəbərləri