İrakli Kobaxidze: Radikalizmi radikal partiyalar və xarici agentlər süni şəkildə yaradırlar
Tbilisi, 30 oktyabr, AZƏRTAC
Radikalizmi radikal partiyalar və xarici agentlər süni şəkildə yaradırlar. Bu siyasi qüvvələr demokratik sistemdən uzaqlaşdıqca qütbləşmə dərəcəsi dərhal azalacaq.
AZƏRTAC xəbər verir ki, bu sözləri Gürcüstanın Baş naziri İrakli Kobaxidze söyləyib.
Onun sözlərinə görə, radikal partiyalar süni surətdə radikallıq yaradır, xarici agentliklər isə ölkəmizdə nifrət qızışdırır.
"Bu siyasi qüvvələr demokratik sistemdən uzaqlaşdıqca, qütbləşmə dərəcəsi dərhal azalacaq, cəmiyyətdə nifrət azalacaq, ölkənin inkişafı daha az maneə törədəcək. Bu siyasi partiyalar hakimiyyət alətidir, demokratik sistemə qarşı çıxmaq, radikalizmi qızışdırmaq üçün alətdir və bu alətlər demokratik sistemdən uzaqlaşdırılmalıdır. Biz əminik ki, bu halda siyasətdə ziddiyyət dərəcəsi azalacaq”, - deyə İrakli Kobaxidze bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
