İRAN İLK NÜVƏ REAKTORUNU VƏ ONUN ÜÇÜN YANACAĞI ABŞ-DAN ALMIŞDIR
Qəzet bunu xatırladaraq bildirir ki, indi Ağ ev Tehranı nüvə bombası yaratmağa çalışmaqda təqsirləndirərkən belə bir faktı gizlədir ki, “iranlılar bu sahədə işləri məhz həmin nüvə obyektində - Tehran tədqiqat reaktorunda aparmışlar. O vaxt ABŞ İranda reaktor inşa etdikdən sonra bu qurğu üçün təxminən 4,5 kiloqram yüksək dərəcədə saflaşdırılmış uran – nüvə bombasından ötrü ən münasib material göndərmişdi”.
“Çikaqo tribyun” yazır: “Əlbəttə, həmin uran artıq çoxdan işlənmiş yanacaq dərəcəsinə keçmişdir, lakin ondan nüvə silahı yaradılması üçün hələ də istifadə edilə bilər”.
ABŞ Energetika Nazirliyi yanında Milli Nüvə Təhlükəsizliyi İdarəsinin başçısı Linton Bruks qəzetə müsahibəsində demişdir ki, Vaşinqton işlənmiş yanacağı Tehrandan götürmək istərdi.
Qəzet qeyd edir ki, hazırda ABŞ Tehranın nüvə proqramında bu reaktorun əhəmiyyətini azaltmağa çalışsa da, bir sıra hərbi ekspertlərin fikrincə, Ağ ev İrana zərbə endirməyi, hər halda, qərara alsa, ilk növbədə dağıdılmalı olan obyektlərin siyahısında birinci yerdə həmin qurğu duracaqdır.
Bölmənin digər xəbərləri
