İran: Küveyt, İordaniya və Bəhreyndəki ABŞ hədəfləri vurulub

18.07.2026 [09:39]
Çap et
A⁺ A^-

Qahirə, 18 iyul, AZƏRTAC

İran ABŞ-nin hücumlarına cavab olaraq bu gecə Küveyt, İordaniya və Bəhreyndəki hədəflərə raket və PUA zərbələri endirib.

AZƏRTAC xəbər verir ki, bu barədə İran dövlət televiziyası məlumat yayıb.

Qeyd olunub ki, İran ordusu Küveytdə əl-Udeyri bazasındakı sursat anbarını, Əli əs-Salim bazasındakı komanda mərkəzlərini və sursat anbarlarını, eləcə də bir neçə körpünü hədəfə alıb. Həmçinin əl-Əhmədi limanındakı ABŞ donanmasının yanacaq platformasının da vurulduğu bildirilib.

Eyni zamanda, İordaniyanın əl-Əzraq bazasındakı ABŞ ordusunun yanacaq anbarlarının PUA-larla hədəfə alındığı bildirilib.

Bəhreyndəki Şeyx İsa bazasında ABŞ hərbi təyyarələrinin müşahidə mərkəzinin də SEPAH tərəfindən vurulduğu barədə məlumat yayılıb.

_{Şıxəli Əliyev}

_{AZƏRTAC-ın xüsusi müxbiri}

_Qahirə