İran mediası: ABŞ-nin hücumu nəticəsində Təbrizdə ölən və yaralananlar var
Bakı, 20 iyul, AZƏRTAC
ABŞ ordusunun İranın Təbriz şəhərinin cənub-qərbindəki hərbi qarnizona hücumu nəticəsində bir nəfər ölüb. AZƏRTAC “Mehr” agentliyinə istinadla xəbər verir ki, yaralanan bir neçə sakin xəstəxanaya çatdırılıb.
İranın Şərqi Azərbaycan əyalətinin böhran idarəetmə şöbəsi şəhərdə eşidilən partlayışın hərbi qarnizona edilən hücumla əlaqəli olduğunu bildirib.
Bu hadisə ABŞ-nin İrana qarşı hərbi kampaniyanı yaxın günlərdə gücləndirməyi planlaşdırdığı barədə məlumatından sonra baş verib.
Son 10 gündə ABŞ-nin hücumları İranın cənubuna yönəlib. Ölkənin şimalında yerləşən Təbriz və Urmiya şəhərlərinə endirilən zərbələr təxminən 10 gün əvvəl başlayan son gərginlikdən bəri cənub hissəsindən kənarda ilk hücumdur.
Bölmənin digər xəbərləri
