İRAN ÖZ SÜNİ PEYKİNİ ÇIXARACAQDIR
AZƏRTAC-ın Tehrandan aldığı xəbərə görə, İranın müdafiə naziri vitse-admiral Əli Şamxani demişdir ki, onun ölkəsi yaxın iki il ərzində yerli müəssisələrdə istehsal olunan süni peyki yerətrafı orbitə çıxaracaqdır. Müdafiə nazirinin sözlərinə görə, beləliklə, “İran öz peykini orbitə çıxaran ilk islam ölkəsi olacaqdır”.
Şamxani İranın aviakosmik sahədə nailiyyətlərini yüksək qiymətləndirərək vurğulamışdır ki, bu, müdafiə sənayesi müəssisələrinin və elmi tədqiqat mərkəzlərinin sıx əməkdaşlığı nəticəsində mümkün olmuşdur.
Bölmənin digər xəbərləri
