İran Prezidenti: Azərbaycanın işğal altındakı əraziləri azad etməsi əlaqələrin inkişafına müsbət təsir göstərəcək
Tehran, 23 dekabr, AZƏRTAC
Azərbaycanın işğal altındakı ərazilərinin azad edilməsi qarşılıqlı faydalı iqtisadi əməkdaşlıq əlaqələrinin inkişafına müsbət təsir göstərəcək.
AZƏRTAC xəbər verir ki, bu sözləri İran Prezidenti Həsən Ruhani hökumətin iclasında deyib. Prezident bildirib ki, Qarabağın işğaldan azad edilməsi və müharibənin başa çatması İran iqtisadiyyatının dirçəlməsi üçün də effektli olacaq. Müharibə Azərbaycanın İran ilə sərhədinin işğalçılardan azad edilməsi ilə nəticələnib. Azərbaycan ərazilərinin işğaldan azad edilməsi artıq ilk müsbət təsirini göstərib. Bu, İran və Azərbaycan arasında “Xudafərin” hidroqovşağı haqqında yekun anlaşmanın əldə olunmasından ibarətdir.
H.Ruhani deyib ki, tezliklə bu hidroqovşaqdan istifadə olunaraq İranın 120 min hektar ərazisi su ilə təmin ediləcək. Bu isə kənd təsərrüfatı məhsullarının istehsalının artımına və əkin sahələrinin daha da genişlənməsinə zəmin yaradacaq.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
