İran və Oman arasında Hörmüz boğazında naviqasiyanın təmin olunmasına dair danışıqlar aparılıb
Qahirə, 26 iyul, AZƏRTAC
İran və Oman xarici işlər nazirlərinin müavinləri səviyyəsində cümə və şənbə günləri Tehranda bir neçə mərhələdən ibarət danışıqlar aparılıb.
AZƏRTAC xəbər verir ki, bu barədə İran Xarici İşlər Nazirliyinin rəsmi sözçüsü İsmayıl Bəqai məlumat verib.
Tərəflər Hörmüz boğazında təhlükəsiz dəniz naviqasiyasının idarə olunmasına dair ümumi prinsiplər və icra mexanizmləri ətrafında fikir mübadiləsi aparıblar. Müzakirələr zamanı hər iki sahilyanı dövlətin suveren hüquqlarının nəzərə alınmasına xüsusi diqqət yetirilib.
İsmayıl Bəqai danışıqları faydalı adlandırıb və müəyyən irəliləyişin əldə olunduğunu bildirib. O qeyd edib ki, Oman nümayəndə heyəti şənbə günü axşam Tehranı tərk etsə də, tərəflər arasında texniki və siyasi məsləhətləşmələr davam edir.
XİN sözçüsü Hörmüz boğazındakı mövcud vəziyyətlə bağlı suala cavabında isə bildirib ki, hazırda bu strateji su yolunda gəmiçilik və tranzit hərəkətinin rejimində hər hansı dəyişiklik qeydə alınmayıb.
Bölmənin digər xəbərləri
