İRANIN CƏNUB-QƏRBİNDƏ 12 YERALTI TƏKAN QEYDƏ ALINMIŞDIR
AZƏRTAC-ın Tehrandan aldığı xəbərə görə, İranın cənub-qərbində yerləşən Xüzistan əyalətinin əhalisi səksəkə içindədir. İze və Məscidi Süleyman şəhərlərinin sakinləri evlərinə qorxa-qorxa girir və onları mümkün qədər tez tərk etməyə çalışırlar. Bunun da səbəbi evlərin divarlarını silkələyən, pəncərə şüşələrini titrədən fasiləsiz yeraltı təkanlardır.
İranın bu bölgəsində yanvarın 6-da səhər tezdən qaranlıq düşənədək Rixter cədvəli ilə 3,2-4,8 bal gücündə 12 yeraltı təkan qeydə alınmışdır. Zərərçəkən yoxdur, lakin çiy kərpicdən tikilmiş bəzi evlər təkanlara tab gətirməyərək, dağılmağa başlamışdır.
Bölmənin digər xəbərləri
