İRAQDA DAHA ALTI GİROV BURAXILMIŞDIR
Dörd iordaniyalının buraxıldığını isə girovlardan birinin qardaşı bildirmişdir. Məhəmməd əbu-Cəfər qardaşı Əhmədlə danışmış və o demişdir ki, azadlığa buraxılıb, hazırda xeyirxah bir insanın əlindədir. Həmin xeyirxah insan isə İraq tayfalarından birinin şeyxidir. İndi iordaniyalılar onun evindədirlər.
Xatırladaq ki, “İraq müqavimət hərəkatının qırğın eskadronları” qruplaşması iyulun 29-da dörd iordaniyalını girov götürdüyü barədə xəbər yaymışdı. Yaraqlılar bu adamları sürücü kimi işə götürən nəqliyyat şirkətinin ABŞ qoşunları ilə əməkdaşlığını dayandırmasını tələb edirdilər.
Avqustun 3-də İordaniya XİN-i elan etmişdir ki, İraqda onların daha bir vətəndaşı əsir götürülmüşdür. Bəzi məlumatlara görə, o, biznesmendir.
Ümumiyyətlə, son bir ayda İraq yaraqlıları 70-dək əcnəbini girov götürmüşlər. Onlardan bəziləri edam olunmuş, əksəriyyəti isə buraxılmışdır.
Bölmənin digər xəbərləri
