İspaniya polisi içərisində 4 tondan çox narkotik vasitə olan qayığı ələ keçirib
Bakı, 28 dekabr, AZƏRTAC
İspaniya polisi İspaniyanın cənub sahillərində 4400 kiloqram həşiş daşıyan qayığı saxlayıb və iki britaniyalı ekipaj üzvünü həbs edib.
AZƏRTAC bu barədə “EuropaPress”ə istinadən xəbər verir.
“İstintaq müəyyən edib ki, gəmi Latın Amerikasına daşınmalı olan külli miqdarda həşişin Mərakeşdə yüklənməsi üçün istifadə olunmalı idi”, - deyə polis idarəsindən bildirilib.
Qeyd edilib ki, yükünü götürmək üçün Mərakeşin qərb sahillərinə doğru hərəkət edən qayıq Cəbəllütariq boğazında pis hava şəraiti səbəbindən İspaniyaya qayıtmaq məcburiyyətində qalıb və orada patrul gəmisi tərəfindən saxlanılıb.
Qayığa baxış zamanı narkotikin daşınması üçün tez-tez istifadə olunan çoxsaylı çantalar aşkarlanıb. Polis əməkdaşları bununla belə içərisində ümumilikdə 4400 kiloqram həşiş olan 130 torba götürüblər.
Bölmənin digər xəbərləri
