İspaniyada sitrus bitkilərinin ixracı pandemiya ilə əlaqədar artıb
Madrid, 21 may, AZƏRTAC
İspaniya Sitrus Bitkilərini İdarəetmə Komitəsi Avropada sitrus bitkiləri ixracının COVID-19 pandemiyası səbəbindən rekord səviyyədə artmasını təsdiqləyən məlumatları açıqlayıb. Komitənin məlumatında deyilir: "Mart ayı öz tarixi ərzində ən yaxşı ay olub".
AZƏRTAC xəbər verir ki, yağışlara, məhsulun toplanmasına məhdudiyyətin qoyulmasına, karantin səbəbindən məhsuldarlığın azalmasına və sərhəddə sanitariya nəzarəti səbəbindən daşınma ilə bağlı çətinliklərin yaranmasına baxmayaraq, mart ayında xarici ölkələrə satış təqribən 15 faiz və ya 500 min ton artıb.
Sitrus bitkilərinə tələbatın yaranmasına avropalıların özlərini yeni tip koronavirusdan qorumaq üçün immun sistemini möhkəmləndirmək istəyi kömək edib.
İspaniyanın əsas etibarilə Valensiyada yetişdirilən sitrus bitkilərinin əsas satış bazarı Avropadır.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
