İSRAİLİN HƏRBİ ƏMƏLİYYATLARI LİVAN İQTİSADİYYATINI 15 İL GERİ SALMIŞDIR
Fabrın sözlərinə görə, “Hizbullah” ilə İsrail arasında qarşıdurma Livana azı 15 milyard dollarlıq iqtisadi ziyan vurmuşdur. Livanda təxminən 15 min bina, 80 körpü, 94 yol dağılmışdır.
Fabr belə bir faktla da bağlı narahatlığını bildirmişdir ki, müharibəyədək Livan xarici borclarını çətinliklə ödəyirdi, indi isə kreditləri qaytarmaq heç mümkün olmayacaqdır. BMT-nin və qeyri-hökumət humanitar təşkilatlarının fikrincə, zədələnmiş su kəmərlərinin və kanalizasiyanın bərpası, habelə hələ də çoxlu partlamamış mina qalan yaşayış məntəqələrinin minalardan təmizlənməsi Livanın ən mühüm problemlərindəndir.
Qrinpis – Aralıq dənizi ekologiya təşkilatı Livan sahillərində ekoloji fəlakət barədə xəbərdarlıq etmişdir. Livan elektrik stansiyalarının bombalanması nəticəsində dənizə 10-15 min ton mazut tökülmüşdür ki, onun bir hissəsi artıq çökmüşdür.
Qrinpisin hesablamalarına görə, dəniz suyunun mazutdan təmizlənməsinə 6 ay, bəlkə də bir neçə il vaxt lazım gələcəkdir.
Xatırladaq ki, müharibənin fəal mərhələsi başlanmazdan əvvəl İsrail Baş qərargahının başçısı Dan Haluts Livanı 20 il geri salmağı vəd etmişdi.
Bölmənin digər xəbərləri
