İstanbulda baş vermiş zəlzələdən sonra dörd yüzdən artıq binada zədə aşkar edilib
İstanbul, 26 aprel, Günel Karatepe, AZƏRTAC
Aprelin 23-də İstanbulda baş vermiş zəlzələdən sonra şəhərin 39 rayonuna dəyən ziyanın müəyyənləşdirilməsi ilə bağlı başladılan yoxlama çərçivəsində indiyədək 8367 bina yoxlanılıb.
AZƏRTAC xəbər verir ki, bununla bağlı Türkiyənin ətraf mühit, şəhərsalma və iqlim dəyişikliyi naziri Murat Kurum sosial media hesabında açıqlayıb.
Nazir bildirib ki, 437 binanın zədəli olduğu müəyyən edilib. Ziyan dəymə yoxlamaları başa çatdıqdan sonra zəruri addımlar atılacaq.
Nazir dəyən zərərin müəyyənləşdirilməsi üçün ən çox İstanbulun Bahçelievler, Bağcılar, Esenler, Avcılar və Küçükçekmece olmaqla beş rayonundan müraciətin daxil olduğunu deyib.
Qeyd edək ki, şəhərdə afterşokların davam etməsi səbəbindən əhalinin müəyyən hissəsi hələ də evlərinə girməyə çəkinir.
Bölmənin digər xəbərləri
