İtaliyada bəzi partiyalar hökumətdən Qəzzada atəşkəs üçün səylərini artırmasını istəyir
Roma, 14 fevral, AZƏRTAC
İtaliyada bəzi partiyalar hökumətdən Yaxın Şərqdəki vəziyyətlə bağlı daha güclü diplomatik təşəbbüs göstərməsini və Qəzzada humanitar atəşkəs üçün səylərini artırmasını istəyir.
AZƏRTAC xəbər verir ki, hökumətə bununla bağlı ünvanlanan təklif İtaliya parlamentinin aşağı palatası olan Deputatlar Palatasında müzakirəyə çıxarılıb. Parlamentarilər Qəzzada mülki əhalinin müdafiəsi üçün təcili humanitar atəşkəs əldə edilməsi, davamlı humanitar yardımların çatdırılması və girovların azad olunması kimi məsələləri müzakirə ediblər. Təklif 128 səslə qəbul edilib, hakim partiyalardan olan 159 deputat bitərəf qalıb.
Ölkə qanunlarına görə, parlamentdə qəbul olunan təkliflər hüquqi qüvvəyə malik olmasa da, hökumətə çağırış təşkil edir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
