İtaliyada son iki gündə koronavirusdan 27 ölüm faktı qeydə alınıb
Roma, 3 mart, AZƏRTAC
İtaliya Mülki Müdafiə Xidmətinin son məlumatına görə, ölkədə koronavirusdan ölənlərin sayı artıq 79 nəfərdir. Xidmətin rəhbəri Angelo Borrelli martın 3-də verdiyi açıqlamada deyib ki, həftənin əvvəlindən ümumi yoluxmuşların sayı 2 min 626 olduğu halda, son iki gündə 27 ölüm qeydə alınıb.
AZƏRTAC xəbər verir ki, ölənlərin 55-i Lombardiya vilayətindəndir. Onların demək olar ki, hamısı yaşlı və ya müəyyən səbəblərdən immun sistemi zəif olan insanlardır.
Bu hadisələrdən dolayı Vatikan iki vacib beynəlxalq forumu təxirə salıb. Şimaldakı bir sıra ticarət və xidmət obyektləri də bağlanıb. Lakin İtaliyanın Xarici İşlər Nazirliyi italyan məhsullarını almağa təşviq etməkdə davam edir. Nazirliyin rəsmi açıqlamasında deyilir ki, üzərində “İtaliya istehsalı” yazılan heç bir məhsul təhlükəli deyil. Xarici İşlər naziri Luiji Di Mayo mətbuata açıqlamasında xüsusilə bildirib ki, bu, diskriminasiyadır. İtalyan brendlərini belə qaralamaq digər ölkə şirkətlərinin işinə yarayır.
Aygün Əliyeva
AZƏRTAC-ın xüsusi müxbiri
Roma
Bölmənin digər xəbərləri
