İvan Kirilenko: Süni intellekti iqlim dəyişikliklərinin həllinə, pandemiyalara yönəldə bilərik
Bakı, 7 oktyabr, AZƏRTAC
Süni intellekt XXI əsrin ən böyük nailiyyətidir. Bu gün Avropanın mərkəzində - Ukraynada müharibə gedir və üç ildir davam edir. Biz sadəlövh olmamalıyıq. Suveren Ukrayna ərazisinə yüzlərlə tank, qırıcı təyyarə daxil olub. Döyüş meydanlarında bu gün ağır zirehli texnikaların əvəzinə, dronlar var. Dronu idarə edən isə pilotdur. Süni intellekt də onlara kömək edir. Döyüş meydanında obyektlərin bir çoxu dron vasitəsilə vurulur. Bu da süni intellektin bir növüdür.
AZƏRTAC xəbər verir ki, bunu Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) Sosial və Humanitar Siyasət Komitəsinin 65-ci iclasında çıxış edən QDİƏT PA-da Ukrayna nümayəndə heyətinin üzvü İvan Kirilenko deyib.
O bildirib ki, artıq süni intellekt insanı əvəz edir: “Biz müharibələri dayandırmasaq, süni intellekt bizdən üstün olacaq. Bu ağılsızlığı dayandırmağa hələ ki, vaxtımız var. Biz süni intellekti daha başqa problemlərə, iqlim dəyişikliklərinin həllinə, pandemiyalara yönəldə bilərik”.
Bölmənin digər xəbərləri
