KALİFORNİYA UNİVERSİTETİ ALİMLƏRİ HEYVANLARIN MÜDAFİƏÇİLƏRİNDƏN QORUYACAQ
Universitetin rəhbəri humanizm metodlarından çox uzaq olan elmi tədqiqatların aparılmasına maneçilik törədən heyvan müdafiəçilərinin hərəkətlərini “daxili terrorizm” adlandırmışdır.
Vəhşilik, tədqiqatçıların fərdi göstəricilərinin mətbuat səhifələrinə çıxarılması, alimlərin yaşadıqları məhəllələrdə evlərin divarlarına təhqiramiz vərəqələr yapışdırılması elmi eksperimentlərlə mübarizə aparanların ən çox əl atdıqları üsullardır. Onların neyrobiologiya professoru Dario Rinqaxa və ailə üzvlərinə qarşı təcavüzkar əməlləri alimi tədqiqatlarını dayandırmağa vadar etmişdir. Ekstremistlər aramsız olaraq gecə və gündüz alimə telefonla zəng vurur, onun həm laboratoriyası, həm də evinin qarşısında hay-küylü nümayişlər düzəldirdilər.
İstintaq müəyyən etmişdir ki, ekstremistlər digər tədqiqatçını – LAKU-da 30 ildən bəri işləyən Linn Feyrbənksi öldürmək istəmişlər. İyunun 30-da naməlum şəxslər onun evinin yanına əldəqayırma bomba qoymuşlar. Alimin bəxtindən, fitil yansa da, bomba partlamamışdır.
Universitet Feyrbənksi öldürmək istəmiş cinayətkar barədə informasiyaya görə Federal Təhqiqat Bürosunun mükafatını iki dəfə artıraraq, 60 min dollara çatdırmışdır.
LAKU bütün bunlarla və hədə-qorxularla əlaqədar tədqiqat korpuslarının mühafizəsini gücləndirməyi və elmi prosesə mane olan ekstremistləri məhkəməyə verməyi qərara almışdır.
Kaliforniya Universitetinin rəhbərliyi bildirmişdir ki, burada bütün tədqiqatlar ABŞ qanunvericiliyinə müvafiq surətdə aparılır.
Bölmənin digər xəbərləri
