Kamalə Kamal Cabbarova: Zəfər Günü təkcə Azərbaycanın deyil, bütün Türk dünyasının şərəf tarixidir
İstanbul, 8 noyabr, Günel Karatepe, AZƏRTAC
Bu gün Azərbaycanın ərazi bütövlüyünü bərpa edən böyük Zəfərin qürur günüdür. Bu əlamətdar gündə qəhrəman Azərbaycan Ordusunu və başda dövlətimizin başçısı olmaqla, bütün Azərbaycan xalqını ürəkdən təbrik edirəm. Zəfər Günü təkcə Azərbaycanın deyil, bütün Türk dünyasının şərəf tarixidir.
Bu fikirləri AZƏRTAC-a açıqlamasında Türkiyədə fəaliyyət göstərən “Xarıbülbül” Azərbaycan Mədəniyyət Birliyinin rəhbəri, aktrisa Kamalə Kamal Cabbarova söyləyib.
O, deyib: “Tarix boyu qardaşlıq və həmrəylik ruhu ilə birlikdə addımlayan Türk millətinin bu uğuru bu gün keçirilən paradda bir daha birliyin gücü kimi özünü göstərdi. Bu unudulmaz günü hər bir azərbaycanlı kimi, biz də böyük sevinc və fəxarət hissi ilə ürəkdən qeyd edirik. Şərəfli irsimizin gələcək nəsillərə layiqincə çatdırılması üçün biz daima bir yerdə olmalıyıq, güclü olmalıyıq. Zəfər Bayramımız mübarək”.
Bölmənin digər xəbərləri
