Kanzas şəhərində qəddar cinayətlərlə mübarizə üzrə əməliyyat başlayıb
Bakı, 9 iyul, AZƏRTAC
ABŞ-ın Baş prokuroru Uilyam Barr zorakılıqla müşayiət olunan cinayətkarlıqla mübarizə üzrə “Əfsanə” əməliyyatının başladığını elan edib.
AZƏRTAC bu barədə ABŞ Ədliyyə Nazirliyinin saytına istinadla xəbər verir.
“Zorakılıqla müşayiət olunan cinayətlərin artması ilə əlaqədar hazırlanan “Əfsanə” əməliyyatı federal və yerli resursları birləşdirəcək. Əməliyyatlara qətl hadisələrinin ən yüksək səviyyədə olduğu Kanzasla yanaşı, bir sıra şəhərlərə göndərilən federal agentlər və digər aktivlər cəlb ediləcək”, - deyə Uilyam Barr press-relizdə qeyd edib.
Qurumun məlumatına əsasən, ilin əvvəlindən bəri Kanzas şəhərində qətllərin sayı 100-ə çatıb ki, bu da ötən ilin analoji dövrü ilə müqayisədə 40 faiz çoxdur.
Bölmənin digər xəbərləri
