KARATE ÜZRƏ XV ÜMUMRESPUBLİKA BİRİNCİLİYİNƏ YEKUN VURULMUŞDUR
AZƏRTAC xəbər verir ki, Maştağa Olimpiya İdman Kompleksində yeniyetmə oğlan və qızlar arasında karate üzrə XV ümumrespublika birinciliyinə yekun vurulmuşdur.
Beş yaş qrupu üzrə yarışlarda 42 komandanı təmsil edən 350-dən çox idmançı mübarizə aparmışdır. 10, 11, 12 və 13 yaşlı idmançılar yalnız öz həmyaşıdları ilə qarşılaşmış, 14-15 yaşlılar isə çəki dərəcələrinə bölünərək qüvvələrini sınamışlar.
On-on üç yaşlılar arasında kumite və kata yarışlarında 10 nəfər birinci olmuşdur.
Çəki dərəcələri üzrə qüvvələrini sınıyan yeniyetmələrin mübarizəsində isə Zaur Məmmədli (52 kq), Tural Ələkbərov (57 kq), Oğuz İbrahimsoy (63 kq), Ağaməhəmməd Quliyev (70 kq), Asiman Qurbanlı (70 kq-dan yuxarı), Surə Fərəcli (47 kq) və Fəridə Abdullayeva (54 kq) qızıl medal qazanmışlar.
Bölmənin digər xəbərləri
