KARATEÇİLƏRİMİZ PORTUQALİYADA UĞURLA ÇIXIŞ ETDİLƏR

08.12.2003 [17:11]
Çap et
A⁺ A^-

Lissabonda kosiki-karate üzrə super-liqanın dünya çempionatı başa çatmışdır. Azərbaycan Kosiki-Karate Federasiyasının prezidenti, Avrasiya Kosiki-Karate Federasiyasının baş katibi, beşinci dan sahibi Talıb Bərzigiyarov AZƏRTAC-ın müxbirinə bildirmişdir ki, yarışlarda ölkəmizi üç idmançı – 63 kiloqram çəki dərəcəsində Vüqar Məmmədov (“Zenit” idman cəmiyyəti), 73 kiloqramda Kənan İsmayılov və 82 kiloqramda Ramil Aruslanov (hər ikisi “Neftçi” idman-sağlamlıq mərkəzindəndir) təmsil etmişlər.

Karateçilərimiz uğurla mübarizə apararaq, ümumi hesabda 26 komanda arasında üçüncü olmuş, Kənan İsmayılov və Ramil Aruslanov isə bürünc medal qazanmışlar.

Beynəlxalq dərəcəli hakim olan T.Bərzigiyarov çempionatın ən yaxşı hakimlərindən biri hesab edilmişdir.

Federasiyanın prezidenti Gənclər, İdman və Turizm Nazirliyinin, “Neftçi” idman-sağlamlıq mərkəzinin və Almaniyanın “Lüfthanza” aviaşirkətinin rəhbərliyinə təşəkkür edərək demişdir ki, onların köməyi olmasaydı, Azərbaycan komandası dünya çempionatında iştirak edə bilməzdi.

KARATEÇİLƏRİMİZ PORTUQALİYADA UĞURLA ÇIXIŞ ETDİLƏR

MÜƏLLİFLƏ ƏLAQƏ

Bölmənin digər xəbərləri