“KASPİAN İVENTS LİMİTED” ŞİRKƏTİNİN SƏDRİ SYUZAN KRAUÇUN ÇIXIŞI
Hörmətli xanımlar və cənablar!
Sabahınız xeyir. Sərginin təşkilində və açılış mərasimində iştirak edənlərin hamısını salamlayıram və bu cür tədbirin təşkilinə göstərdikləri dəstəyə görə nazirliklərə, səfirliklərə və digər təşkilatlara öz təşəkkürümü bildirirəm.
Biz keçən il bu sərginin 10 illiyini qeyd etmişdik. Ötən müddət ərzində Xəzər regionunda neft və qaz sənayesində böyük işlər görülmüş, yüksək nailiyyətlər əldə edilmişdir və bu, Azərbaycanın çox böyük rolunu bir daha təsdiq edir. Bu, həm də Azərbaycan Prezidenti Heydər Əliyev tərəfindən təməli qoyulmuş bir işin göstəricisidir.
Artıq biz yeni əsrə keçmişik və yeni Prezident cənab İlham Əliyevin başçılığı ilə bu inkişaf daha da sürətlənəcək və yeni–yeni nailiyyətlər, uğurlar əldə olunacaqdır. Bu inkişaf təkcə Azərbaycan xalqının deyil, həm də bütün region xalqlarının rifahının yaxşılaşmasında böyük rol oynayacaqdır.
Mən bizim bütün səylərimizi dəstəklədiyinə görə cənab Prezident İlham Əliyevə, yanacaq və energetika naziri Məcid Kərimova və digərlərinə bir daha dərin minnətdarlığımı bildirirəm. Onların köməyi olmasaydı, bu tədbiri belə təşkil edə bilməzdik.
X X X
Çıxış üçün söz Azərbaycan Ticarət və Sənaye Palatasının prezidenti Süleyman Tatlıyevə verildi.
Bölmənin digər xəbərləri
