KƏNDLİ-FERMER TƏSƏRRÜFATINDA ÇALIŞANLARIN ÇOXU QAÇQIN VƏ MƏCBURİ KÖÇKÜNLƏRDİR

08.02.2004 [14:30]
Çap et
A⁺ A^-

İsmayıllı rayonundakı “Fazil” kəndli-fermer təsərrüfatı öz uğurlarını ildən-ilə artırır. İndi burada bəslənilən mal-qaranın sayı 70 başa çatdırılmışdır. Ötən il 15,7 ton süd, 2,8 ton ət istehsal edilmişdir. Bu məhsulların bir hissəsi şəhər mərkəzindəki uşaq bağçalarına verilmiş, digər hissəsi isə respublika bazarlarında satılmışdır.

Kəndli-fermer təsərrüfatının 49 hektar torpaq sahəsi vardır. Burada hər il yem bitkiləri və taxıl yetişdirilir. Ötən payızda 42 hetkar sahədə buğda əkilmişdir.

Təsərrüfatın başçısı Fazil İsayev AZƏRTAC-ın müxbirinə bildirmişdir ki, mal-qaranın sayını ən azı iki dəfə artırmaq və icarəyə əlavə torpaq sahələri götürməklə bitkiçilik məhsulları istehsalını 250-300 tona çatdırmaq üçün tədbirlər görürük.

Hazırda ayrı-ayrı sahələrdə 72 nəfər çalışır. Onların çoxu qaçqın və məcburi köçkünlərdir. Təsərrüfat genişləndikcə, kollektivə əlavə işçi qüvvələri cəlb edilir.

KƏNDLİ-FERMER TƏSƏRRÜFATINDA ÇALIŞANLARIN ÇOXU QAÇQIN VƏ MƏCBURİ KÖÇKÜNLƏRDİR

MÜƏLLİFLƏ ƏLAQƏ

Bölmənin digər xəbərləri