Keniyada təyyarə qəzası nəticəsində səkkiz macar və iki alman turist həlak olub
Berlin, 28 oktyabr, AZƏRTAC
Keniyada kiçik təyyarənin qəzaya uğraması nəticəsində 11 nəfər - pilot və on turist həlak olub.
AZƏRTAC “Spiegel” nəşrinə istinadla xəbər verir ki, turistlərdən ikisi Almaniya, səkkizi isə Macarıstan vətəndaşıdır. Pilot isə keniyalı olub.
Təyyarə sahil şəhəri Dianidən məşhur Masai Mara qoruğuna uçarkən qəzaya uğrayıb. Keniya Mülki Aviasiya İdarəsinin (KCAA) məlumatına görə, təyyarə səhər tezdən ölkənin cənubundakı Kvale bölgəsindən havaya qalxıb və qısa müddət sonra Mombasa sahil şəhərindən təxminən 40 kilometr aralıda yerə düşərək partlayıb.
Qəzanın səbəblərini müəyyən etmək üçün araşdırma aparılır.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
