“Kəpəz” komandası Bakıdan üç xalla dönüb
Bakı, 6 mart, Elşad Qəzvini, AZƏRTAC
Martın 6-da Azərbaycan Premyer Liqasında XXIV tura yekun vurulub.
AZƏRTAC xəbər verir ki, paytaxtda oynanılan turun son matçında çempionatın autsayderi “Rəvan” “Kəpəz” klubunu qəbul edib. On turda qələbə qazana bilməyən Bakı təmsilçisi bu dəfə də meydanı xalsız tərk edib. Gəncə təmsilçisinin 3 qol vurduğu qarşılaşmada meydan sahiblərinin gücü yalnız təsəlli qoluna çatıb. Qonaqlar 17-ci dəqiqədə Kərim Diniyev, 29-cu dəqiqədə Namiq Ələsgərovun qolları ilə darmadağının əsasını qoyub. 57-ci dəqiqədə isə Juninyo fərqi üçə çatdırıb. Məmməd Quliyev 81-ci dəqiqədə təsəlli qoluna imza atıb - 1:3.
Beləliklə, xalını 36-ya çatdıran Şahin Diniyevin yetirmələri qalibiyyət sayəsində turnir cədvəlindəki beşinci yerini möhkəmlədib. “Rəvan” isə səkkiz xalla turnirin autsayderi olmaqda davam edir.
Bölmənin digər xəbərləri
