“Kəpəz”in fasilə üçün hazırlıq planı məlum olub
Bakı, 3 oktyabr, AZƏRTAC
Milli komandaların dünya çempionatının seçmə mərhələsində keçirəcəyi oyunlar səbəbindən Premyer Liqada yaranan fasilə müddəti üçün “Kəpəz” futbol klubunun hazırlıq planı müəyyənləşib.
AZƏRTAC xəbər verir ki, Gəncə klubu oktyabrın 3-də Bakıda məşqləri bərpa edəcək. Komanda oktyabrın 7-dək Azərbaycan Dövlət Bədən Tərbiyəsi və İdman Akademiyasının stadionunda hazırlaşacaq. Məşqlər hər gün saat 16:00-da başlayacaq.
“Kəpəz”in fasilə dövründə yoxlama oyunu keçirməsi də planlara daxildir. Belə ki, Gəncə təmsilçisi oktyabrın 8-də “Səbail” ilə qarşılaşacaq. Bu oyundan sonra bir gün istirahət edəcək komanda üzvləri oktyabrın 10-dan “Dalğa Arena”da “Zirə”yə qarşı çempionat matçının hazırlığına start verəcək.
Bölmənin digər xəbərləri
