KƏŞ ölkələri Ələt Azad İqtisadi Zonasına investisiya yönəldə bilər
Bakı, 26 sentyabr, AZƏRTAC
Ələt Azad İqtisadi Zonasında gözəl infrastruktur qurulub. Bu, Körfəz Əməkdaşlıq Şurası (KƏŞ) ölkələri üçün vacibdir. Onlar bu iqtisadi zonaya investisiya yönəldə bilərlər.
AZƏRTAC xəbər verir ki, bunu Səudiyyə Ərəbistanı Nəqliyyat Nazirliyinin Yeni logistika mərkəzlərinin direktoru Ala Abdullah Banabilah İqtisadiyyat Nazirliyinin dəstəyi, Azərbaycan Respublikasının İxracın və İnvestisiyaların Təşviqi Agentliyinin (AZPROMO) təşkilatçılığı ilə Bakıda keçirilən Azərbaycan-Körfəz Əməkdaşlıq Şurasına (KƏŞ) üzv ölkələrinin 2-ci iqtisadi forumunda çıxışı zamanı deyib.
“Biz mütləq loqistika mərkəzləri yaratmalıyıq. Bununla bağlı 59 master planımız var. 2030-cu ilə qədər beynəlxalq şirkətləri iqtisadi zonalara cəlb etmək istəyirik. KƏŞ ölkələrinin Azərbaycanla bağlı məlumatlılığını artırmalıyıq ki, Azərbaycanla iqtisadi münasibətlər lazımi səviyyədə inkişaf etsin”, - deyə .A.Banabilah qeyd edib.
Bölmənin digər xəbərləri
