KİV Haiti Prezidentinin öldürüldüyü barədə məlumat yayıb
Bakı, 7 iyul, AZƏRTAC
Haiti Prezidenti Jovenel Moiz naməlum silahlı şəxslərin hücumu nəticəsində ölümcül yaralanıb.
AZƏRTAC “Gazette Haiti” portalına istinadla xəbər verir ki, bu barədə ölkənin Baş naziri Klod Cozef bəyanat yayıb.
Onun sözlərinə görə, dövlət başçısı güllə yarası alıb. Bundan başqa, prezident iqamətgahına hücum nəticəsində Haitinin birinci xanımı da yaralanıb.
Bu, 2017-ci ildə prezident vəzifəsinə başlamış Moizin həyatına ilk sui-qəsd deyil. O, 2018-ci il oktyabrın 17-də kütləvi mərasim zamanı da silahlı hücuma məruz qalmışdı. O vaxt yüngül yaralanan prezident təhlükəsiz yerə aparılmışdı. Həmçinin onun üç mühafizəçisi də yaralıanmışdı.
Bölmənin digər xəbərləri
