KİV-LƏRİN ÜMUMRUSİYA FESTİVALINDA AZƏRBAYCAN GÜNLƏRİ KEÇİRİLMİŞDİR

17.06.2004 [21:53]
Çap et
A⁺ A^-

Daqomısda (Krasnodar diyarı) keçirilən KİV-lərin 9-cu “Bütün Rusiya-2004” Ümumrusiya festivalında iyunun 15-də Milli Qurtuluş gününə həsr olunmuş Azərbaycan günü keçirilmişdir.

AZƏRTAC-ın xüsusi müxbiri xəbər verir ki, festival iştirakçıları Azərbaycanın dövlət bayramı münasibətilə açılmış və Dövlət Teleqraf Agentliyinin – AZƏRTAC-ın fotomateriallarından ibarət ekspozisiyaya maraqla tamaşa etmişlər. Azərbaycan nümayəndə heyətinin başçısı, Jurnalistlər Birliyinin katibi Altay Həsənov açılış mərasimində çıxış edərək müstəqil Azərbaycanın təşəkkülündə ümummilli liderimiz Prezident Heydər Əliyevin rolundan, onun 1993-cü il iyunun 15-də respublika rəhbərliyinə ikinci qayıdışının ölkəni hərc-mərclikdən və parçalanmaqdan xilas etməsindən danışmışdır.

Tədbirə gələnlərə Gənclər, İdman və Turizm Nazirliyinin hazırladığı suvenirlər və bukletlər paylanmışdır.

Nümayəndə heyəti Azərbaycanın Qurtuluş günü münasibətilə qəbul təşkil etmişdir.