KİYEVDƏ MİLLİ MƏDƏNİYYƏTLƏR BAYRAMI
AZƏRTAC-ın Ukraynadakı müxbiri xəbər verir ki, fevralın 28-də Kiyevdə Ukrayna Daxili İşlər Nazirliyinin Mədəniyyət və İncəsənət Mərkəzində “Qafqaza sülh” birinci Ukrayna festivalı keçirilmişdir. Ukraynanın Milli Mədəniyyətlər Cəmiyyətinin təşkil etdiyi Cənubi Qafqaz ölkələrinin milli mədəniyyətlərinə baxışda Azərbaycan incəsənətini “Vətən” musiqi-rəqs ansamblı, qardaş gürcü xalqını isə müğənnilər Aniko Dolidze və Liya Şaverdaşvili təmsil edirdilər.
Cənubi Qafqaz xalqlarının mədəniyyətlərini təmsil edən özfəaliyyət artistlərini “Şaxar” yəhudi ansamblı salamlamışdır.
Ukraynadakı səfirliyimizin diplomatları, Azərbaycan diasporunun nümayəndələri konsertdə olmuşlar.
Bölmənin digər xəbərləri
