Kiyevə hava zərbələrindən ölənlərin sayı 24 nəfərə çatıb
Kiyev, 15 may, AZƏRTAC
Mayın 14-nə keçən gecə Rusiyanın Kiyevə hava hücumu nəticəsində üçü uşaq olmaqla 24 nəfər həlak olub. Xilasedicilər Darnitski rayonundakı hündürmərtəbəli binanın dağıntılarını təmizləməyə davam edirlər.
Bu barədə AZƏRTAC Ukrayna Dövlət Fövqəladə Hallar Xidmətinin açıqlamasına istinadla məlumat yayıb.
20 nəfər hələ də itkin hesab edilir. Kiyevə hava zərbələri tammiqyaslı müharibənin ən böyük hücumlarından biri olub.
13-14 may tarixlərində Rusiya genişmiqyaslı birləşmiş hava hücumu həyata keçirib, 1567 dron və 56 raket atıb. Dronların 94 faizi və raketlərin 73 faizi vurulub. Hərbi Hava Qüvvələri Rusiyanın bütün hava hücum silahlarından istifadə etdiyini qeyd edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
