Rubio: İran Trampı əlverişsiz razılaşmaya məcbur edə bilməyəcək
Bakı, 15 may, AZƏRTAC
ABŞ Dövlət katibi Marko Rubio bildirib ki, İran Yaxın Şərqdəki gərginlik və neft qiymətlərinin artımından istifadə edərək Vaşinqtonu əlverişsiz razılaşmaya məcbur edə bilməyəcək.
AZƏRTAC xəbər verir ki, Rubio bu barədə “NBC News”a müsahibəsində danışıb.
“Əgər İran düşünürsə ki, daxili siyasətimizdən istifadə edərək Prezidenti pis razılaşmaya məcbur edə bilər, bu baş verməyəcək”, — deyə o bildirib.
Rubio əlavə edib ki, ABŞ administrasiyası benzin qiymətlərinin sabit saxlanması üçün tədbirlər görür.
Prezident Donald Tramp isə bildirib ki, İran məsələsində əsas məqsəd Tehranın nüvə silahı əldə etməsinin qarşısını almaqdır və ABŞ yalnız “yaxşı razılaşma” ilə razılaşacaq.
Bölmənin digər xəbərləri
