K.KALANDAROV: “ÇERKİZOVO BAZARINDA PARTLAYIŞ TOLERANTLIĞI SARSIDAN BOMBADIR”
K.Kalandarov demişdir ki, bazarda partlayış milli ayrı-seçkilik zəminində törədilmiş birinci ən böyük terror aktıdır və onun nəticələri bütün Rusiya cəmiyyəti üçün kədərli ola bilər. Onun fikrincə, bu bazarda baş vermiş partlayış cəmiyyətdə dini dözümlülüyü sarsıda bilər. K.Kalandarov vurğulamışdır ki, Rusiya xalqları, əsasən, beynəlmiləlçidirlər və yaranmaqda olan bu təzahürə qalib gəlmək perspektivi var, bunun üçün fəal işləmək lazımdır. Moskva bazarları dairəvi yoldan kənara çıxarılmalıdır. Hüquq müdafiəçisi demişdir: “Bunun çox üstünlükləri olacaqdır. Məsələn, moskvalılar sakit yaşayacaqlar, şəhərin mərkəzində gəlmələr, kriminal vəziyyətlər azalacaq, beləliklə, paytaxda qayda-qanun yaradılacaqdır”.
İqor Yeleferenko bildirmişdir ki, millətlərarası münasibətlər sahəsində Rusiya və şəhər qanunvericiliyi təkmilləşdirilməlidir. O demişdir: “Təəssüf ki, burada boşluq əmələ gəlmişdir. Bu sahədə bəzi qanunvericilik aktları artıq qəbul edilmişdir, Moskva Şəhər Dumasında isə bu sənədlər üzərində iş gedir”. Rusiya parlamentinin üzvü bildirmişdir ki, məsələ təkcə qanun layihələri ilə bitmir. Cəmiyyətin dini dözümlülük ruhunda tərbiyə olunması üçün digər tədbirlər də görülməlidir. O, açıq-aşkar faşizmi təbliğ edən internet-saytlarını da araşdırmağı təklif etmişdir. İ.Yeleferenko hesab edir ki, “belə özbaşınalıq dünyanın heç bir ölkəsində yoxdur”.
Bölmənin digər xəbərləri
